The Magna Carta Project

Notification of the King’s grant of Dover Priory to Hubert Walter

Identity

B29

Title

Notification of the King’s grant of Dover Priory to Hubert Walter

Beneficiary

Hubert Walter (archbishop of Canterbury 1193-1205) (People)

Date of issue

16 June 1199

Place of issue

Shoreham, West Sussex, England (Places)

Sources

B = Lambeth Palace Library ms. 241 (Dover cartulary) fo.6r-v (5r-v), s.xiv

Printed

Comment

Transcription

Iohannes Dei gratia rex Anglie dominus Hibern(ie) dux Normann(ie) et Aquitann(ie) comes Andeg(auie) archiepiscopis, episcopis, abbatibus, com(itibus), baron(ibus), iustic(iis), vicecom(itibus) et omnibus balliuis et fidelibus suis salutem.  Sciatis nos concessisse et confirmasse in elemosinam et perpetuam possessionem Deo et ecclesie Cristi Cant' et archiepiscopo Huberto et omnibus successoribus eius sibi canonice substituendis ecclesiam beati Martini de Douorr' cum omnibus que ad eam pertinent in terra et in mari, in theloneo cum veteri decima allectium et cum noua decima piscationis totius anni quam burgenses Douorr' dederunt et super altare optulerunt et cum omnibus aliis pertinentiis suis quas in presenti possident vel in futuro adquirer(e) iuste potuerint pro salute anime nostre et parentum nostrorum et pro remissione peccatorum nostrorum et pro statu et incolumitate regni nostri et precipue pro anima reg(is) Henr(ici) aui patris nostri eiusdem ecclesie primi donatoris et pro anima reg(is) Henr(ici) patris nostri et pro anima reg(is) Ric(ard)i fratris nostri.  Statuimus igitur et regia auctoritate corroborando precipimus ut ordo monasticus in predicta ecclesia beati Martini auctoritate beate memorie Innocentii pape et Theob(aldi) Cant' archiepiscopi institutus secundum regulam beati Benedicti inuiolabiliter de cetero imperpetuum conseruetur, nec ulli hominum omnino liceat ulterius ecclesiam predictam in alterius religionis ordine transmutare.  Volumus etiam et auctoritate precipimus regia ut sepedicta ecclesia beati Martini in manu et dominio Huberti archiepiscopi et omni succedentium sibi archiepiscoporum semper permaneat et nullum nisi Cantuar' archiepiscopum dispositorem ordinatorem exteriorum vel interiorum umquam habeat.  Quare volumus et firmiter precipimus quod bene et in pace et honorifice et libere et quiete teneant in bosco et plano, in aquis et molendinis, in via et semitis, in pasturis et exitibus, in mercatis et theloneis, in ciuitate et extra et in omnibus locis cum soca et saca et tol et theam et infangenethef et cum omnibus aliis libertatibus cum quibus aliqua ecclesia melius de nob(is) tenet in capite sicut carta Henrici reg(is) patris nostri testatur.  Teste W(illelmo) Lond' et G(ilberto) Roff' episcopis, Galfrido filio Petri com(ite) Essex'. Willelmo Marescallo com(ite) de Penbroc', Hugon(e) Bard', Stephano de Turneham.  Dat' per manum Huberti Cant' archiepiscopi cancellar(ii) nostri apud Shorham xvi. die Iunii regni nostri anno primo.

Calendar

Notification that the king has granted to Christ Church Canterbury and archbishop Hubert Walter the church of St Martin of Dover, and mandate that the Benedictine Rule, established in that church by the authority of Pope Innocent II and Theobald archbishop of Canterbury, be preserved there, and that the church remain in the hand of the archbishop and his successors.

Charters not found in surviving rolls