Ioh(an)n(e)s Dei gratia rex Angl(ie) dominus Hibern(ie) dux Normann(ie) Aquit(anie) comes Andegau(ie) archiepiscopis, episcopis, abbatibus, com(itibus), baron(ibus), iustic(iis), vic(ecomitibus), forestar(iis), prepositis et omnibus ball(iu)is et fidelibus suis salutem.  Sciatis nos intuitu Dei et pro salute nostra et pro animabus antecessorum et successorum nostrorum concessisse et hac carta nostra confirmasse Deo et sancte Marie et beato Benedicto de Rames’ et abbati et monachis ibidem Deo seruientibus quod ipsi et omnia dominica sua et omnes homines de dominicis suis sint quieti de schiris et hundredis et omnibus sectis schirarum et hundredorum et de auxiliis et demandis viecom(itum) et prepositorum et omnium balliuorum suorum.  Preterea concessimus quod visus de francopleg(io) de tota terra predictorum abbatis et monachorum fiat in curia sua, ita tam(en) quod balliuus noster per summonitionem eiusdem abbatis veniat in cur(ia) predicti abbatis ad videndum quod visus de francopleg(io) rationabiliter fiat in eadem cur(ia) et secundum regni consuetudinem, et si forisfactum aliq(uo)d emerserit ex quacumque causa de illo francopleg(io), volumus quod abbas et monachi illud habeant.  Si vero balliuus noster ad rationabilem summonitionem predicti abbatis in curiam ipsius abbatis propter hoc non venerit, volumus quod predictus abbas nichilominus faciat inde visum fieri in curia sua, et si abbas rationabiliter probare poterit quod predictus balliuus noster ad rationabilem summonitionem ipsius abbatis non venerit, volumus quod idem balliuus noster in misericordia nostra sit et in misericordia nostra erit.  Quare volumus et firmiter precipimus quod predicti abbas et monachi habeant quietancias predictas et libertates in perpetuum, bene et in pace, integre et plenarie et honorifice sicut predictum est.  Teste (sic) Iohanne Lexouiensi episcopo, Willelmo com(ite) Arundell’, R(oberto) com(ite) Leyc’, Willelmo de Breuse, Rogero de Lacy constabul(ario) Cestr’, Garino fil(io) Geroldi, Alano Basset, Thoma Basset, Willelmo de Boclanda, Willelmo Bruer, Gaufrido de Say, Stephano de Longocampo.  Dat’ per manum Simonis prepositi Beuerlaci et archid(iaconi) <Wellens’> apud Lexouium vicecimo die Octobr(is) anno r(egni) n(ostri) quarto.

Notification that the king has granted to Ramsey Abbey that the Abbey and the people of its demesne shall be quit of suit of shire and hundred court, and sheriff’s aid, and that view of frankpledge concerning the Abbey’s lands shall be in its court, so that the king’s bailiff shall come to the court of the abbot at the abbot’s summons to see that the view of frankpledge is properly done.