Ioh(anne)s Dei gratia rex Angl(ie) dominus Hybernie dux Norm(annie) Aquit(anie) com(es) And(egauie) archiepiscopis, episcopis, abbatibus, comitibus, baronibus, iustic(iis), vic(ecomitibus), prepositis, ministris et omnibus ball(iu)is et fidelibus suis salutem, Sciatis nos concessisse et presenti carta nostra confirmasse dilecto et fideli nostro Gaufrido filio Petri et heredibus suis de Beatric(e) de Say uxore sua descendentibus sicut de iusta et propinquiori herede totam terram comit(is) Will(elm)i de Maundeuill’ que ei iure hereditario pertinebat cum omnibus pertinentiis et libertatibus et liberis consuetudinibus suis. Quare volumus et firmiter precipimus quod predicti Gaufr(idus) et heredes de predicta Beatric(e) descendentes habeant et teneant de nob(is) et heredibus nostris totam predictam terram cum pertinentiis suis sicut predictus com(es) Will(elmu)s de Maundeuill’ eam melius et liberius et honorificentius et integrius et quietius habuit unquam et possedit in bosco et plano, viis, semitis, pratis, pascuis, pasturis, aquis, viuariis, stagnis, piscariis, molendinis, turbariis, in aduocationibus ecclesiarum, in custodiis valettorum et donationibus puellarum et in omnibus aliis locis et aliis rebus sicut carta R(icardi) reg(is) fratris nostri rationabiliter testatur. Test(ibus) I(ohanne) Norwic’ episcopo, Will(elm)o com(ite) Sarysb’, Hug(one) Bard’, Petro de Pratell’, Gyr(ardo) de Forniuall’, Symon(e) de Pateshull’, Hug(one) de Neuill’, Thom(a) de Saunford’, H(e)nr(ico) de Berneuall’, Symon(e) de Kymb’. Dat’ per manum Symonis archid(iaconi) Wellensis apud Notyngeham decimo die Martii anno regni nostri secundo.