Ioh(ann)es Dei gratia rex Angl(ie) dominus Hibern(ie) dux Norm(annie) et Aquit(anie) et com(es) And(egauie) archiepiscopis, episcopis, abbatibus, com(itibus), baron(ibus), iust(iciis), vic(ecomitibus) et omnibus ball(iu)is et fidelibus suis salutem.  Sciatis nos dedisse, concessisse et presenti carta confirmasse dilecto et fideli nostro Hugoni de Sanford’ medietatem terre de Morton’ iuxta Walyngford’ que fuerat escaeta regis Ric(ard)i fratris nostri et quam idem Hugo tenuerat per eundeum reg(em) de dono ipsius tenendam et habendam sibi et heredibus suis de nob(is) et heredibus nostris imperpetuum per seruicium decime partis feodi unius militis pro omni seruicio.  Quare volumus et firmiter precipimus quod idem Hugo et heredes sui post ipsum predictam terram cum pertin(entiis) de nob(is) et heredibus notris habeant et teneant bene et in pace, libere, quiete et honorifice, in bosco et plano, in terris et aquis, in stagnis et molendinis, in pratis et pascuis, in viis, semitis et exitibus, in villa et extra villam cum aduocationibus ecclesiarum et cum omnibus libertatibus et liberis consuetudinibus suis salua foresta nostra.  Test(ibus) Willelmo com(ite) Sar’bir’ fratre nostro, R(oberto) com(ite) Mellet’, I(ohanne) de Pratell’, Petr(o) fil(io) Hereb(erti), Huberto de Burg(o) camerar(io) nostro, Math(e)o fil(io) Hereb(erti), Garin(o) fil(io) Geroldi, Henr(ico) fil(io) comitis, Petro de Stok’, Roberto de Ropelay, Roberto Aguillon’.  Dat’ per manum Simonis archid(iaconi) Wellen’ apud Argentom’ iiii. die Nou(embris) regni nostri anno tercio.

Notificationt that the king has confirmed to Hugh of Sandford the moiety of the land of Moreton near Wallingford, which escheated to Richard I and which Hugh held from King Richard by his gift, to hold for the service of of a tenth of one knight’s fee.