Iohannes Dei gratia rex Anglie dominus Hibernie dux Normannie et Aquitanie et comes Andegauie archiepiscopis, episcopis, abbatibus, comitibus, baronibus, iusticiariis, vicecomitibus et omnibus bailliuis et fidelibus suis salutem.  Sciatis nos concessisse et presenti carta confirmasse Deo et monachis sancte Marie de Straford terram de Westhan que appellatur la Sudberi cum omnibus pertinentiis eiusdem terre habendam et tenendam ad feodi firmam de Iohanne filio Leonardi de Venec' et heredibus suis in perpetuum reddendo inde eis singulis annis ad Pascha triginta et unam libram sterlingorum et duodecim denarios libere et quiete pro omni seruicio et pro omni consuetudine sicut carta eiusdem Iohannis rationabiliter testatur, saluo nobis seruicio illius terre per manum ipsius Iohannis et heredum suorum.  Volumus etiam quod si terra illa casu aliquo in manum nostram vel heredum nostrorum deuenerit, predicti monachi de nobis et heredibus nostris eam teneant per predictam firmam in perpetuum, ita quod nobis seruicium faciat illius terre qui illius firmam per nos habebit.  Testibus: Willelmo Mariscallo comite de Penbr', Willelmo de Braos', Willelmo Briw', Iohanne de Pratell', Roberto de Harecurt, Radulfo de Arden', Petro de Stok', Ricardo de Reuiers.  Data per manum domini H(uberti) Cantuariensis archiepiscopi cancellarii nostri apud Argentom' xxvi. die Decembris regni nostri anno tercio.

Notification that the king has granted to Stratford Langthorne Priory the land of West Ham which is called Sudbury, to hold at fee farm of John fitz Leonard de Venec’, rendering to him annually at Easter £31 and 12 d., quit of all service and customs, as in John’s charter. If the land comes into the king’s hands, the monks shall hold of the king on the same terms.