Iohannes Dei gratia rex Anglie dominus Hibernie dux Normannie Aquitanie comes Andegauie archiepiscopis, episcopis, abbatibus, comitibus, baronibus, iusticiis, vicecomitibus, prepositis, balliuis et omnibus ministris et fidelibus suis salutem.  Noueritis nos suscepisse in manum et protectionem nostram abbatissam and moniales de Maulenges et domum suam cum omnibus pertinentiis, et ideo vobis precipimus quod ipsas, homines, terras, res et possessiones earum manuteneatis, custodiatis et protegatis tanquam res nostras dominicas, non inferentes eis vel ab aliquo inferri permittentes iniuriam, molestiam aut grauamen, nec permittentes eas ab aliquo trahi in placitum de aliquo tenemento suo nisi coram nobis vel capitali iusticiario nostro.  Si quis autem eis in aliquo forisfecerit, id eis sine dilatione emendari faciatis.  Teste comite G(alfrido) filio Petri apud Cantuariam, xv. die Iunii.

Notification that the king has granted his protection to the abbess and nuns of Malling Priory and their house.