Iohannes Dei gratia rex Angl(ie) dominus Hybernie dux Normann(ie) et Aquit(anie) comes Andeg(auie) archiepiscopis, episcopis, abb(atibus), comit(ibus), baron(ibus), iustic(iis), vic(ecomitibus), preposit(is) et omnibus ball(iu)is et fidelibus suis salutem.  Sciatis nos concessisse et hac carta nostra confirmasse burgensibus nostris de Cantebrig' villam de Cantebrig' cum omnibus pertinent(iis) suis habendam et tenendam in perpetuum de nob(is) et heredibus nostris sibi et heredibus suis, reddendo inde annuatim ad scaccarium nostrum antiquam firmam, scil(ice)t quadraginta libr(as) albas et viginti libr(as) numero de cremento pro omni seruicio per manum eorum ad duo scacc(ar)ia anni.  Quare volumus et firmiter precipimus quod predicti burgenses et heredes sui habeant et teneant predictam villam cum omnibus pertinent(iis) suis bene et in pace, libere et quiete, integre, plenarie et honorifice, in pratis et pascuis, molendinis, aquis et stagnis cum omnibus libertatibus et liberis consuetudinibus suis.  Concessimus etiam eis quod faciant de se ipsis prepositum quem voluerint et quando voluerint.  T(estibus): d(omi)nis W(illelmo) Lond', P(etro) Wint', I(ohanne) Norwic', I(oscelino) Bathon' episcopis, G(alfrido) filio Petri com(ite) Essex', com(ite) Alberico, Will(el)mo Briwerr', Galfr(ido) de Neuill', Regin(aldo) de Cornhill'.  Data per manum Hug(onis) de Well' archid(iacon)i Wellensis apud Lamheam, vii°. die Maii anno regni nostri octauo.